Гелер тунвай чеб къекъвезвай рекьерал
Дамах гвайбур лезгистандин чилерал,
Гъейри касдиз жезват1а , са хъсанвал
Хуьз жезват1а, яраб чипин инсанвал?
К1ват1из физвай дуьнья ац1ай девлетар.
Кумат1а жал, инсанвилин хесетар.
Дуьшуьш хьурай , герек ксар , хъсан вал
Ажеб жедай квахьначирт1а инсанвал.
Хкаж хьунни пис к1валаз туш гурариз
Эгер дурум гуз хьайит1а , к1арариз.
Гунагь крар ийиз, к1ан жез хъсанвал.
Бязибуру квадарзава инсанвал.
Геле гьатда , пис крар фад агудиз.
Садакьаяр гуда, гунагь хкудиз.
Фикирзава , им я лугьуз хъсанвал.
И кардиз бес, лугьуз жедан инсанвал?
Дамахар гвайбур
© Copyright: Гулья Мисриханова, 2018
Свидетельство о публикации №118020800434
Свидетельство о публикации №118020800434
Рецензии