·
Садбуру чапхунна къизилни гимиш,
Мержанар къакъудиз,тарашна гьуьлер.
На жавагьиррин ц1араралди дигмиш
Гьейранна илгьамдихъ къаних тир эллер.
Гьар садан рик1икай вуна хъвана яд,
Фана дуьньядин чин авуна астад.
Бейнидин рик1е туна ашкъидин дад,
Панагьрин руьгь тир,пачагь Етим Эмин.
Дустариз къалана душман рик1евай,
Рабъедихъ къекъвезвай Салман рекьевай,
Бегьердихъ ишезвай чинар йикьевай,
Дердер (икай) яд авур, къуччагъ Етим Эмин.
Физва йисар, гару тухвай пешер хьиз,
Шиират ви сагъ я экуьн сегьер хьиз,
Ви гьар са ц1ар рик1ева чи гьиссер хьиз,
Шииратда кьакьан дагъ, Етим Эмин.
Чи лезги халкьдив ви даим я суьгьбет,
Гьар са келима я несилриз тербет.
Ви илгьам ваз хьанва къизилдин гуьмбет,
Шаиррин арада , шагь Етим Эмин.
Шаиррин шагь Етим Эмин
© Copyright: Нажмудин Шихнабиев 2, 2018
Свидетельство о публикации №118020607587
Свидетельство о публикации №118020607587
Рецензии
