Юрегиме авур блгъан,
Чархы авур къатындай,
Сёйлеме сюегендей,
Сав дюньяны атындан.
Аман къалгъыр баланы
Ана тапмай оьзюне,
Сююндюрсе дюньяны,
Зат гёрюнмей гёзюне.
Чархы авур къатындай,
Юрегим авур болгъан,
Дюньяны къыйынындан
Зар болгъан,явур болгъан.
Нетсе де, ана къалмай
Минг намусгъа тутулмай,
Нечакъы къыйналса да ,
Яш тапмаса,
Къутулмай.
Яш табып, ана оьлген ,
Дюнья алгъыш тилердей ,
Магъа да шо гъал гелген:
Язмай къойсам, оьлердей.
Язмаларым кёп мени ,
Язгъаным етип гелер ,
Къызмы-уланмы,гьейлер,
Охувчум оьзю билер.
Аллагь буюргъан буса,
Къыз да охур, улан да ,
Мени хатирим къалмай
Макътамагъан булан да ...
Не буса за, билмеймен,
Юрек йыргъа байлангъан,
Аллагь бизин этмесин
Макътав излеп байлангъан.
Язмагъа башламасам...
© Copyright: Зумурут Даидова, 2018
Свидетельство о публикации №118013107936
Свидетельство о публикации №118013107936
Рецензии