Вегьенвани зи к1вачерик
Магнитдин ракьар
Экъеч1 жезвач ви утагъдай
акьална рак1ар.
Есирдава ви гафарин
Мез галк1из рахаз
Вахт ят1ани им гатфарин
мекьи хьанва заз.
Вун гьатнава зи рик1е мад
Ашукь хьайвиляй
Ша агата яхъ зу к1евиз
Акъаймир гъиляй.
К1ват1нават1а за гевгьерар
Са пай вибур я.
Савкьат я аллагьдин патай
Вири чибур я.
Тек са вун я алакьайди
Заз чимивал гуз
Илгьам чириз алахъайди
Йифизни- юкъуз.
Чун
© Copyright: Гулья Мисриханова, 2018
Свидетельство о публикации №118013100337
Свидетельство о публикации №118013100337
Рецензии