Даькъала ювца аз яча денца,
Г1алг1ай къаман Паччхьалкхе.
Оаза ч1оаг1ъя оала аза -
Лепа тхона седкъа санна,
беттал бийсан сигале.
Кхера т1а яздаь йоазув санна,
дуне мел латт яхийл ц1и.
Ц1аьхха чувен моастаг1 санна,
ха майоаг1ийл чоалхане,
Моархаш йоаца сигале санна,
сийрда хейла хьа кхоане.
Яхь, эхь-эздел масса хана,
дег чу халда массане,
Беркат доссалд малха санна,
х1ара Г1алг1ай фусаме.
Хозлуж йоаг1ийл б1аьсте санна,
даьш сатийса Паччхьалкхе.
Б1аьшарашка йицъя, йейна хьам санна,
иллай г1ала Магасе.
Д1аяхай баьде ха, 1аьржа бийса санна,
малх хьалбаьннаб Г1алг1айче.
К1ей-баьццар шувнаш аре санна,
догам юкъе малх хьисапе.
Къаман бейракх леста курра,
йа хьо массане дога г1озле.
Даьхен ловца
© Copyright: Алихан Дакиев 2, 2018
Свидетельство о публикации №118012906813
Свидетельство о публикации №118012906813
Рецензии