гражданская лирика

Батирайлис

Чебиулрив,чевях1си,
дунъя нушаб насибси,
урхамтаур ризкьиван
адамла жан лукьуси.
Мукърачиб азихъ тухъли,
ялгъан далайчи чагъси,
бархьдеш зайх1ебик1ули,
поэт гьанара ятси?
Хяли лига кьяйдали
халкь лут1ути цабех1ли
пахруличил кеп-чеклис
евроби харждируси?
Игъбар саби х1 е б а л ни
х1ярх1уби-х1иллуртауб
улхули жагьти адни
дудешла дях1 х1егьурли
ц1уръабирути дурх1ни.
Урх1ла лявличи х1ерти
неш лералли ятимти,
кьац1-шин кьакьадиубти
дудеш миц1ир ц1уръаби.
букь манзилла х1якаван,
лайкабак1ибти бег1ти.
Бахъ бахъалгу, агь,бахъал
яшавла бук1улдешла
дардли дарг игутира,
къалпти къурушунала
к1авлаб к1айбях1ибтира.
дергъ агар аргъ-вахтлизиб
х1унт1ен х1или иркули,
дец1ла нургъба ицуси,
далайчи, иш ванзала
х1ергъулрив г1янц1си ясла?
Накьра мех1ур манзилла
гьар бирк1айзи, г1ябливан,
улукьули гьар даим,
кьакьалира,х1ябларван.
Х1 е б а лулра ишх1ели
авал уршила нешли,
океайчи Пушкинван,
дугьаризишал чичи.
Х1едван х1ебаили пай,
далайэс пагьму агар,
аврик1ишав, Батирай,
вац1ала гушси бец1ван?!..