Г1ямрула дях1имц1айзир
шярли шалг1ердухъунти
бурх1нала сурат кайсис
разити аа пашманти.
Кьисматличи г1ярзрик1ес
х1ебургулра багьана,
детерхахъур мурад-кьас
хъяшах1елла хьулана.
Муирала мурбикад
тахь-тахьли ратрихьили,
кьяшла кьакьаси дякькад
делкун дабри рашули.
Г1илмула къалализир
касибти багьудлума
чуйнара наб чарбариб
багьа дурдиб дабрала.
Дарган девла г1евдухьлар
бек1 ва урк1и дамсайчи,
г1ях1улали, тяп лагъван,
рузира х1янриайчи.
Аллагьла кьадарличи
рик1ули даршна шукру,
дурк1ис г1ямру ях1личил
ихъули гьарил ганзухъ.
на родном языке
© Copyright: Хадижат Омарова, 2018
Свидетельство о публикации №118012610567
Свидетельство о публикации №118012610567
Рецензии