Шагьвар къугъваз къавахрин тик хилера-
Яд такурдаз аквадай туш кьакьанвал.
Са хажалат гьатнава зи гьисера-
Ажуз кьамир са ч1авузни инсанвал.
Зун цуькверал экуьн яр хьиз алукьнай,
Кинар ийиз, ашукь хьана амукьнай.
Суван мет1ел вун жейран хьиз ацукьнай,
Зунни хьанай лап рик1ивай гьейран вал.
Ашукь хьана варзни ч1улав киферал.
Вучиз гьатнай чи гьисер и к1евера?
Зуьре гъед хьиз вун алай зи вилерал,
Дамахдизни уьтквенва,яр, масанвал.
-Гъил къачу,- заз лугьузва гил зи ярди.
Мягьтелна зун ван хьайи и хабарди.
Квахьна кьарай, квахьнава зи ахварни,
Акунач заз и инсандин нукьсанвал.
Мягьтелна зун хабарди
© Copyright: Магомед Мирзоев Мирзой, 2018
Свидетельство о публикации №118012511550
Свидетельство о публикации №118012511550
Рецензии