Майил гузва, зи уьмуьр на
куьзуьвилихъ,
Къакъудзава такъат, къуват
заиф хьунихъ.
Аквадайвал гьатнава чам
к1улан сине.
Амма ччанди лугьузва заз,
кьамир хиве.
Хъийидай крар рик1елай зи
жезва алат.
Кар -кеспидик квайлани зун
жезва галат.
Хъел атайла, гьуьрс киткизва
себ жез сиве,
Амма ччанди лугьузва заз,
кьамир хиве.
Шаклувилик кутазват1ан
азар хьуник,
Юкь т1арардай купулдикди
бизар хьуник.
Гагь-гагь жезвай и уьзуьрруь
твазва к1еве.
Амма ччанди лугьузва заз,
кьамир хиве.
Гьар вуч ят1ан, жуваз табий
уьмуьр я зи.
Сагъламвални куьзуьвални
ийида рази.
Зи чанди заз лугьузват1ан
кьамир хиве,
Амма чизва гьар са куьниз
ава вяде.
2014 й.
Кьамир хиве
© Copyright: Фикрет Хидиров, 2018
Свидетельство о публикации №118012011708
Свидетельство о публикации №118012011708
Рецензии