Пандар гармоника игорь ляпин

     ПАНДАР (ГАРМОНИКА)  Игорь Ляпин    

Ай, лаллал сагото сингар!
Вахар, хьо дац тоаданар.
Жи, вежари, г1алг1ай бар –
Мичаб шун мерза пандар?

Жи, са воша Абу-Бакар,
Б1аь бала – духьале йий?
Хьалотае ц1и сингахьар,
Иштта дале – д1адахар вай!

Аь-аь, дале, дале, дале
К1оажон т1ар, кога бухьар –
Халахь, оал, халахь дале:
Дола наькъаш да оагар.

Т1акха, волале, г1о Мувса,
Лааьттах г1айг1а елла 1ец.
Воагаву оазаш нийсса,
Долаче, вахар хаьдадац.

Асса! Асса! Мухьаммад!
Шедар дуненца кхеста.
Безткъа ткъеста бала хьад,
Хурба б1аь – бекхам лест.

Со вац къона – къаванар,
Дий те цхьаккха догдилар,
Садаьккхъар ва Абу-Бакар,
Пандаро г1айг1а йиллар.

Кхетац, къоасталац хана,
Иззал я-кха сага цхьоал.
Балах дог этт1адана
Ваха а – кхы дезаш доал.

Саготонга гаьна да,
Аь, ца воале а халха,
Вай садахар мел дай да,
Илли лакха а, велха!

Ца1 мо, шийтта са хьагуш
Локх вай илли г1айг1ане а.
Со вий х1анза ингуш
Шо дий эрссий х1анз дане а?
                /перевод на ингуш. Мустафы Ганижева/