Безам д1ататта мегаргбац-кха,
Т1ехьа дехкевоалаш саготдеш.
Боаг1аргбац из юха цхьаькха,
Даьга сирдадаьнна ахка луш.
Мегаргвац ше кхуцавеш воаве,
Даьсса мотийтара д1ахьовкхаш.
Шийна чухьар дика толхаде,
Боарама нийсса бакъахь хеташ.
Дика дац б1арг харцахь оттабаь,
Иразар лайжа харцахь хьожабеш.
Лоцца дешай курал къоагаяь,
Саготон оамалаш д1айоаеш.
Мегац байза чам бицбалийта,
1окхесса дог когаш т1атоха.
Безам лувргба са ца даккхийта,
Не1 хьаелийташ цо, са даха.
Мегац безам боабаь сатоха,
Деррига тоаданна долаш мо.
Моттийта сурт увтадеш ваха,
Кхычарна духьал волаш хьо.
Мегаргдац дешаш дагадухаш,
Харцонца садаха, духьал хила.
Доаржадеш цхьа къиза къамаьлаш,
Безамца нийссалац хьо тилла.
Зехьа боабир-кха 1а хьай безам,
Цхьаккха саго баркал ца оалаш.
Хьайна висар хьо, дега лазам,
Сингар бала дег1а боадаш.
Безам боабе мегаргбац мустафа ганижев
© Copyright: Мустафа Ганижев, 2018
Свидетельство о публикации №118011704666
Свидетельство о публикации №118011704666
Рецензии