Чун аялар - гъвеч1и ч1авуз -
Фидайди тир Самур(дин) тамуз,
Тарцин ч1ере гъана къвалаг,
Ялна ийидай парпилаг...
Гагь сад, гагь сад нубатдалди
Парпилагда ацукьдай,
Рум гайит1а къуватдалди,
Тарцин хилер галукьдай.
Гарун хиве къугъвадайла,
Маниярни лугьудай,
Чун, аялар, рахадайла
Яргъари ван къачудай
Къени зи рик1ел алама,
Аял ч1аван а гафар
К1ан ят1а квез ван атана
Ийида абур тикрар:
Я леле, гарун хиве парпилаг
Я леле, ша, агакьра зи патаг...
Я леле, лугьузва чаз нуьк1вери:
Я леле, т1ар тавурай хилери... )))
Парпилаг
© Copyright: Гасанова Гюзеля, 2018
Свидетельство о публикации №118010505251
Свидетельство о публикации №118010505251
Рецензии