Чlулав цифер алазва къе цаварал,
Къалурзамач кlевирна рагъ вилериз.
Хъуьтуьл гьава акьадариз цацарал,
Хъипи рангар яна зулун ценериз.
Рахазва цав вегьез къайи стlалар,
Булутрин нагъв авахьзава чилерал.
Зинни,зулун уртах хьанва къе тlалар,
Михьзава за зулун накъвар гъилерал.
Куьчедайни ятар физва,мекьи я,
Зулу вичин мурад кьилиз акъудна.
Йикъар куьруь,зулун гьава векъи я,
Хъипи хьанвай тараллай пеш авудна.
Кьеженва зун,кьурай чка кумачиз,
Яд авахьиз кьилелай лап кlвачелди.
Перишан я,рагъни цава амачиз,
Пеш авахьна,кьуьд атурай чилелди...
Зулун гьава...
© Copyright: Марьям Алискерова, 2017
Свидетельство о публикации №117122610568
Свидетельство о публикации №117122610568
Рецензии