***
Памяці маці
Нібы Багародзіца,
Крыж ты несла свой.
Хутка Бог народзіцца
Для цябе жывой.
Хутка Бог народзіцца…
Ты ад нас пайшла.
Сцежкі зноў расходзяцца…
Як мне без цяпла,
Што ў паглядзе тоіцца,
Без тваіх вачэй?..
Без цябе не мроіцца
Пасярод начэй.
Нам з табой расходзіцца…
Ты ўжо там, я – тут.
Хутка Бог народзіцца…
Некалькі мінут
Не хапіла вечарам
Сына навучыць,
Як яму знявечаным
Без цябе пражыць…
24. 12. 2017 г.
Нiбы Багародзiца...
© Copyright: Юрий Боровицкий, 2017
Свидетельство о публикации №117122409314
Свидетельство о публикации №117122409314
Рецензии
Светлыя людзі пакідаюць нас напярэдадні Калядаў...
Павел Голушко 28.12.2017 01:27 • Заявить о нарушении
Павел Голушко 28.12.2017 01:27 • Заявить о нарушении