Тессад рузкъо дегаьшта тай,
Ц1аккха хоадаргдоацаш,
Сох ваьв цо хьа дешай лай,
Ва со лоадам боацаш.
Г1анахь хьоца гаьна д1а,
Г1оргвар воаг1аргвоацаш,
Сомах отта сона 1а,
Деза, сомаваргвоацаш.
Гуш дац вайн юкъера тай,
Цун низ ма ба ч1оаг1а,
Цо вай вахар даьккхад к1ай,
Хьо го г1анахь воаг1а.
Тоссаденнад са дег т1а тай,
Даьннад цу т1а зиза,
Хиннав сох се уйлай лай,
Хьувзаво цо къиза.
Ахмад Шадиев (30.12.2015)
Рузкъан тай
© Copyright: Ахмад Шадиев, 2017
Свидетельство о публикации №117122108356
Свидетельство о публикации №117122108356
Рецензии