Г1айг1ана г1айре т1а со ва се паччахь,
Цхьаккха вац сона тийша болх бе,
Д1аваха, го баккха, кийча ва миччахь,
Ж1алеш дац укхаз сона вас е.
Г1айг1ана г1айре ва доалахь йолаш,
Укхаз седкъашка хьежа со хов,
Фордо ший тулг1еш хозаш я етташ,
Царца пана сона ваха лов.
Д1аваха лов сона гаьнарчу мехка,
Г1айре морг нах боаца, г1ар йоацач 1е,
К1аьдалу массаза къона дог кхехка,
Лоамаш, сона сатем оаш ле.
Г1айг1ана г1айре т1а со ва се аьла,
Цхьан саге теркам со эшаш вац,
Хала хул наьха къамаьлах вала,
Цар дувцар, леладер со дезаш вац.
Ахмад Шадиев (13.12.2015)
ГIайгIана гIайре
© Copyright: Ахмад Шадиев, 2017
Свидетельство о публикации №117122108290
Свидетельство о публикации №117122108290
Рецензии