Бай т1а даг1ар хоза зиза,
Баьде сигале седкъа санна,
Цхьоале доттаг1 яр цун къиза,
Дар из ч1оаг1а к1аьдаденна.
Михо, дог1о къа ца хеташ,
Гойтар цунг вай бирса дуне,
Маьлха г1озал д1а ца хайташ,
Бийсан доаккхар цар из уне.
Амма къарлуш дацар зиза,
Сатувсамаш дерзадора,
Малхо телачу й1овхало,
Цун яь човнаш ерзайора.
Бирса дуне т1а цхьа хозал,
Лехаш яр цо х1ара денна,
З1анараш цун тела сердал,
Бар къахетам Дала бенна.
Бийсан хало еча моттар,
Кхоана малх ма хьожаргба,
Тахан во яь сона 1оттар,
Малхо к1аьда ерзаергья.
Укх дуненах дог ца эккхаш,
Дикала беш хоастамаш,
Дахар зиза, цкъа ца 1откъаш,
Мел хиларах халонаш.
Човхадаьчу зиза дика,
Ховр, ялча бийса доаг1арг ди,
Иштта хьежачу цу малхах,
Къайладала эшалг 1и.
Мела атта хуле вахар,
Хало йоацаш цхьакха вац,
Къахьал йоацаш хилац марзо,
Вай даьш яхад, шеко яц.
Ахмад Шадиев (9.12.2015)
Човхадаь зиза
© Copyright: Ахмад Шадиев, 2017
Свидетельство о публикации №117122108251
Свидетельство о публикации №117122108251
Рецензии