Ва саг, хьаькъал доаца саг,
Х1ана ва хьо уйла ца еш 1ийна,
Хьай каш лораде дезаш вола саг,
Ма хила п1ел т1ахьекхаш х1ара дийнахь.
Ва саг, тамашийна саг,
Х1ана ва хьо х1аранена кхелхо?
Х1ана хьеж хьо массанена баг?
Юха вийрзе хьажа эший хьайна г1о.
Ва саг, хьаькъал дита саг,
Х1ана г1ерт хьо гонахь мел вар вувца?
Къайла даьха дола хьай къинош,
Майра вале оттал нахага дувца.
Ва саг, тамашийна саг,
Модз морг х1ана да хьона мерза йоахар,
Хьай дегаь чу 1очухьаже дувца,
Ховргда хьона ц1ена дий хьай вахар!
Ахмад Шадиев (5.12.2015)
Ва саг
© Copyright: Ахмад Шадиев, 2017
Свидетельство о публикации №117122108221
Свидетельство о публикации №117122108221
Рецензии