К1оарга ма1ан долаш аьнна,
Да ер дешаш тешаме -
Ви1ий са дега чу наьна,
Массаз даха безаме.
Наьна сий а, наьна дозал
Ва хьалкхийна эздий во1,
Йийца варгавоаца хозал,
Я цо боаккха х1ара ког.
Ви1ий юхь т1а дерриг дуне,
Б1аргуш санна нанна хетт,
Иззал дукха везаш хуле,
Фаьлгашка а, вайна хетт.
Наьна оаг1ув, Даьла совг1ат
Ва цун венна дика во1,
Иштта хул цох ковна беркат,
Во1ах доала Даь а дог.
Дала эздий лолба дезал,
Г1алг1ай х1ара фусама,
1адатех цар йойла 1амал,
Кхулва во1 - ший къаман Да.
Ахмад Шадиев (8.10.2015)
ВиIий са Наьна дег чу да
© Copyright: Ахмад Шадиев, 2017
Свидетельство о публикации №117121811609
Свидетельство о публикации №117121811609
Рецензии