Хьо сена дуне т1а ваха?
Сий лораде хьо къонах веце,
Деналах атта хьо ваккха
Йиш хилча, майра хьо веце.
Хьо сена дуне т1а ваха?
Хьай къаман дог лазаш веце,
Даьй баьха лаьтта т1а доала де,
Бий бизза хьа хьинар деце.
Хьо сена дуне т1а ваха?
Йижарий сий деш хьо веце,
Г1алг1ай сийлахь бола истех,
Хьай ноаной хеташ хьо веце.
Хьо сена дуне т1а ваха?
Даьна уллув хьо веце,
Дар дайна, акхаваьнна лелаш,
"Дика во1" яха ц1и еце.
Хьо сена дуне т1а ваха?
Къаман сий лохадеш вале,
Эхь - эздел, денал, яхь еце,
Г1улакхаш хоза хьа деце.
Ахмад Шадиев (9.11.2015)
Хьо сена дуне тIа ваха?
© Copyright: Ахмад Шадиев, 2017
Свидетельство о публикации №117121811597
Свидетельство о публикации №117121811597
Рецензии