Баркал хилда юхе волчун,
Баркал хилда вицваьчун,
Баркал хилда хьавехашшехь,
Юх ца хьожаш вахачун.
Баркал, б1аргаш хьаделарах,
Баркал, хьадовзийтарах,
Малаг1 я тешаме оаг1ув,
Оаш сон тахан хайтараг1.
Шоана бехк ма биц аз цхьакха,
Шоага яхац х1ама в1алл,
Х1аьта хайнад сона т1аккха,
Доларг цхьавар доккха ж1ал.
Баркал хилда дукха ца говш,
Юхер шо д1адаларах,
Доккха баркал ала ва ловш,
Сона шо хьадовзарах.
Ахмад Шадиев (23.10.2015)
Баркал
© Copyright: Ахмад Шадиев, 2017
Свидетельство о публикации №117121811528
Свидетельство о публикации №117121811528
Рецензии