Са Даймохк - жовхьар са, г1оза хьо баха,
Дешаш са тоъаргдац хьога безам бувца,
Са Даймохк мерзаг1а йола пандара оаз,
Хьох хоттавенна ва со сай керарчу сица.
Яхь йола къонгаша хьа доазув лорадаьд,
Аьсала мехкараш иллешца хестабаьб,
Хьамсара ноаноша хьа лаьтта хьаьнадаьд,
Эздийча вай даьша моастаг1ий лелхабаьб.
Б1аьшерашка сийлахь хьо бувцаш хилба,
Хьа маьршо массаза кортамукъа хийла,
Аренаш, раьг1енаш фо ц1ена йолаш,
Еха зама дага ухийташ хийла хьа лоамаш.
Иразе ва Даьхе сай г1алг1а волаш,
Деррига дуненах мохь тох йиш йолаш,
Сай г1алг1ай халкъан ц1ийх кер биза волаш,
Хоастам ба, Даьлага, Г1алг1айче йолаш.
Ахмад Шадиев
Вай Даймохк
© Copyright: Ахмад Шадиев, 2017
Свидетельство о публикации №117121811396
Свидетельство о публикации №117121811396
Рецензии