Къаман б1аргар т1адам бежар,
Нана бала бена ежар,
Во1 д1акхалхар, ах дог сацар,
Гешт дер дехаш цун во1 вийцар.
Халкъан яхьаш 1аьржа г1айг1а,
Ислам, 1а тхо даьхар хьайг1а,
Вахар хьо дуне т1а к1айг1а,
1оажалг лекхаш б1аргаш майра.
Дунена лом хьо - г1алг1ай во1,
Деналц дар хьа берза дог,
Иманца, сийца баьхар ког,
Яхь йола к1антий хьог1а хьог.
Къонахчунна говзал дег1ац,
Яр хьа, дунен вовзийт везац,
Хьа сийле йийца тахан варгвац,
Хьо морг къонхий хийла ба а бац.
Къахетам хьон болба Дала,
"Гешт делахь", лов тхон ала,
Бессар хьа ц1аг1 боккха бала,
Хала хургда цог1а дала...
Ахмад Шадиев (31.08.2015)
Тимарзнаькъан Ислам дагалаьца
© Copyright: Ахмад Шадиев, 2017
Свидетельство о публикации №117121811275
Свидетельство о публикации №117121811275
Рецензии