Хил мег сох аьла, е паччахьан во1,
Иштта а хил мег са камаьрша дог,
Хил мег со ца вашаш, хьал ийбеш корт,
Цу бахьане со б1еха саг ва ма мотт.
Хил мег са ахчах хьалбиза боахам,
Ялатех хьалбикъа шера оахам,
П1елгаш т1ахьекхаш ма ваккха сийза,
Хил мег со загат д1ателаш нийса.
Хил мег со ц1ихеза, г1арваьнна волаш,
Хил мег са ц1и массанаьна йовзаш,
Амма, саг, ма хьекха п1елгаш хьай т1а,
Г1ийбаташца йовсарал деш хьо хье ва.
Дег чу фу доал ца ховш ма йе оаш кхел,
Т1а доацар ца дувцаш, долччоахь шо 1ел,
Аьлдиташ, йоахараш - жожаг1атен никъ,
Къа деце шун, вахар долаш сел дикъ.
Ахмад Шадиев (11.07.2015)
Цаховра ма дувца
© Copyright: Ахмад Шадиев, 2017
Свидетельство о публикации №117121811004
Свидетельство о публикации №117121811004
Рецензии