Нана, со дIавига

Ахмад Шадиев
Нана, со д1авига,
Сиха ей хьайца,
Укхаз со ма вита,
Цхьана 1оажалца.

Массанахь я 1оажал,
Ми1инге лачкъа,
Тоъац хьа й1овхал,
Хьог1а хьарча.

Нана, со д1авига,
К1аьда кулгашца,
Кулг лаьце вига,
Хьавех хьай оазаца.

Къизалца ма вита,
Веха со Даьлага,
Харцонга ма вийта,
Ма къоаствейт малхаца.

Нана, со д1авига,
Хьесташ, човхавеш,
Оаза хьай хазийта,
Дог са деладеш.

Керта т1а кулг хьекхаш,
Хьай кара тхьовсаве,
Топий ер таташ,
Сона 1а дицаде.

Нана, со д1авига,
Бирсал ма гайта,
Б1аргаш хьай хьожадай,
Сабаре вайта.

Амма со вехавац,
Ма мотталахь, Нана,
Деналах ваьнна вац,
1а кхеваьндаьр, Нана.

Нана, со д1авига,
Вашав ма хеталахь,
Сатессад аз хьога,
Шек сох ма ялалахь.

1а 1оваь во1 со ва,
Майралца къаьставац,
Амма хьог1 хьегаш ва,
Хьа безамах вузаргвац.

Ахмад Шадиев (12.06.2015)


© Copyright: Ахмад Шадиев, 2017
Свидетельство о публикации №117121810877
Список читателей / Версия для печати / Разместить анонс / Заявить о нарушении
Другие произведения автора Ахмад Шадиев
Рецензии
Написать рецензию
Другие произведения автора Ахмад Шадиев