Хьо фордан талг1е, со я г1ума,
Хьа хино со-м мара ма вехк,
Лорву со цо б1ехача унах,
Хьа хин шелалах са дог ч1ехк.
Ший чопаш анайисте бетташ,
Фордано г1ума човхаю,
Иштта сон цкъаза дешаш детташ,
Са хьайх йола уйла лелхаю.
Амма хийл мела тийна хула,
Талг1енаш г1умах хьокхалу,
Цу тайпар хоза къамаьл тела,
Хьо цкъаза сона йолалу.
Х1ана я хьо хувцаме йолаш?
Цу хаттаран жоп сона хов,
Хаоттамг хьажжа хула талг1еш
1аьржа морхашка а бирсал тов.
ТалгIе
© Copyright: Ахмад Шадиев, 2017
Свидетельство о публикации №117121810826
Свидетельство о публикации №117121810826
Рецензии