* * *
Я жегьил чан, жув аянра,
Жемир вун кис, тахьуй гьуьрз физ.
Ваз к1анидаз, жувни к1анра,
Мугьуббат хьуй хци гуьрз хьиз.
К1анивилин заланвилер,
Тежедайвал, жедайвал яхъ!
Мугьуббатдин таваз, иер,
Хьанвайди я, гьамиша, гьахъ!
Умуд кутун - ам кьисмет я...
Гьикьван азаб ч1угурт1ани.
Рик1и ийир дад-минет я,
Са ахвар хьиз акурт1ани!
Къисмет тахьун айиб кар туш,-
Рик1из физвай са азаб я.
Гьакъикъатдиз насиб кар туш.
Мугьуббатдиз терс запаб я!
Жегьил вяде-ширин хиял,
К1андай вири-кьилиз акъат.
Ваз, мугьуббат ийидай ял,
Я жегьил чан, ава т1акъат!!
1986 й
***
© Copyright: Фикрет Хидиров, 2017
Свидетельство о публикации №117120111390
Свидетельство о публикации №117120111390
Рецензии