Миллетимни сюймей нечик болайым
Къумукъ элде, ватанымда тувгъан сонг
Тышарагъа абат нечик алайым
Къумукъ тюзню юртларында тургъан сонг
Тышарадан уьйге нечик къайтайым
Беш тюменге юртларымны сатгъан сонг
Артда гелир наслугъа не айтайым
Тарихимни алып ярдан атгъан сонг.
Етим яшдай пысып яшынып турмай
Миллетинги якълавчусу бол сана.
Тыш ерлени абатлайын эллемей
Ата юртунг багъанасы бол сана.
Аталарынг ятгъан ерлени сатмай
Кюрчюлерин янгыртагъан бол сана.
Авлетлеринг налат бермес кюйдеге
Къочакъ улан - деп эсинде къал сана.
Кюржан 2016
Миллетимни сюймей нечик болайым
© Copyright: Ибрагим Махтибеков, 2017
Свидетельство о публикации №117111201143
Свидетельство о публикации №117111201143
Рецензии