В. Пшавела. Хьаьшеи фусам-даи. 11 дакъа

XI

«ГIатта меттара, Джохола.
Сомавала. Йита наб.
Лоамашка, чIожешка гIолла
МоастагIий хIанз хьакхаьчаб.
Дов да хьаьшашта вай эшар.
Ловш ба хадар кIантий лар.
КIисте-нана дехке ялар
Техкорах агачу бер.
Чухьелхарца уйла йолаш,
Уж ДжIайраха гарга ба;
Доккха зе де дага болаш,
Вай хьайбаш цар кара да.
Чахкал елахь. КIистий царна
Духьал овтта сихлуш ба.
ГIатта, кхы къонахий санна,
Хьо а довтанца[1] толаргва!»

«Со – кIисташцеи? Малав-те
ХIанз со царех тохаргвар?
Гучох, духхьал сай кхуврч лорбе,
ТIелг мо, се цаI латаргва.
Малав хIанз дIаховлда царна
КIистий доттагI е моастагI!
СогI, сийсазвеш, ваьраз варна,
Яйла нийсхо укх наькъагI.
Пхье тIа, Iовдалаш ба мотташ,
СогI гIаьрашца[2] тайнар веш, –
Са деган тIа оакъа ехкаш,
Цар, со воаве, уйла еш.

КIанто IотIайол ший гIагIа,
Юкъ довтанца дIачIоагIъю,
Моакхаз, шеко йоаца вIалла[3],
Балам-тIехьа хьулаю.
Довне[4] кIистана тадж[5] эшац –
Из керта тIа цхьалха ва,
Цо дай васкет эшадайтац –
Лом мо, тIем тIа майра ва!






[1] Довт (гIал.) – меч (эрс.)
[2] ГIаьр, гIаьрахо (гIал.) – преступник, бандит, грабитель (эрс.)
[3] Укхаз кхетаде деза «моакхаза топ».
[4] Довне (гIал.) – в бою (эрс.)
[5] Тадж (гIал.) – шлем (эрс.)