(Эльвина Бибишева ичюн язылгъан йыр)
Копюрлер яна, рухум уяна.
Олсун оладжакъ, не керек анджакъ?
Эр дакъкъа тюрлю ренклерде олам,
Бугунь портакъал, ярын мор ве ал,
Омюрим эр кунь янъы уджумда,
Янъы сынавда, янъы ёлларда,
Лякин озюме севинип айтам:
«Кучьлю къадынлар агъламай аман!»
Багълама:
Истесем - буз, истесем - атеш,
Истесем ягъмур, истесем кунеш.
Чарем олса мен кокке учарым,
Эм эр кес ичюн нурар сачарым.
Истесем - къыз, истесем - къадын,
Истесем кучьлю, истесем зайыф,
Ким истесем мен о да оларым,
Ве не истесем, оны япарым...
Авуша куньлер, йылыша дертлер,
Денише дюнья, турмай бир ерде.
Мен - мераметли, гизли, айнеджи,
Мен бугунь шенъли, ярын кедерли.
Омюрим эр кунь янъы уджумда,
Янъы сынавда, янъы ёлларда.
Эр кеске билип, инанып айтам:
«Кучьлю къадынлар агъъламай аман!»
Багълама.
Сентябрь 23, 2017 с.
Кучьлю къадынлар
© Copyright: Эльмара Мустафа, 2017
Свидетельство о публикации №117110309962
Свидетельство о публикации №117110309962
Рецензии