(Эльвина Бибишева ичюн язылгъан йыр)
Умютсизден корюштик биз
Ким бильди, бир кунь аман,
Берабер олып экимиз
Къурарыкъ частлы заман.
Козьлеримде алевчиклер
Санки дерсинъ йылдызлар.
Эллеринъде эллерим, ай!
Не олды манъа, къызлар?!
Багълама:
(Сен) севгилимсинъ, фелегимсинъ,
Чечегимсинъ, мелегим.
Юрегимнинъ саибисинъ,
Кунешимсинъ, атешим.
Меним къыралым, меним гонълюм
(падишамсынъ, гонъюлимсинъ)
Меним энъ буюк бахтым.
Аятымны багъышлайым,
Тут, сакъла оны, джаным!
Сеннен берабер олгъанда
Башым меним айлана.
Эгер олсанъ янымда сен
Ёлларым айдынлана.
Балдай татлы сёзлеринъде
Тылсымлы къувет яшай.
Эр бир, эр бир ниетимге
Озь фиданчыгъын ташлай.
Багълама.
Энъ джошкъун ве шефкъатлысынъ,
Сенсинъ - сёнмез ильхамым!
Энъ дюльберсинъ, энъ яхшысынъ
Сенсинъ – энъ азиз къыралым!
(сен меним падишахым, сенсинъ – меним падишам)
Багълама.
Сентябрь 29, 2017 с.
Къыралым
© Copyright: Эльмара Мустафа, 2017
Свидетельство о публикации №117110309816
Свидетельство о публикации №117110309816
Рецензии