Савкьват яз заз гайи на шем,
Аманат яз за ам хуьзва.
Лап яргъарай гъайи а шем,
Гьинай-гьиниз хиял физва.
Шем хьиз кузва къе зи чанни,
Авачирла жуваз кьарай.
Я садаз зи къвезвач ванни,
Гьикьван хьурай эвер-гьарай.
Хкахьна экв,цlразва шем,
Ада гузвай экв зайиф тир.
Гьикьван милиз шехьзава шем,
Лампочкадин экв гьайиф тир.
Цlразва шем
© Copyright: Марьям Алискерова, 2017
Свидетельство о публикации №117110209340
Свидетельство о публикации №117110209340
Рецензии