Сундерьгадсь. Чокшнесь азор.
Коштось моры нурсемань моро.
Сась чипаенть оймсемань шказо,
Чоподасонть весемесь — човор.
Зярдо вальмасо толтнэ мадить,
Ковонть марто лиядан ськамон.
Моданть келес арсеман срадыть,
Ды чарькодян: алкукс эрян мон.
Кадык веньперть оймсевтьсы модась
Псилгадозь ды виев санонзо.
Ковонь валдось вальмам лангс озась
Ды сравтынзе ёвксонь ононзо.
Кадык масторось весе уды,
Кадык цецятнеяк пряст кекшнизь,
Кадык кияк эйсэнь а сюды
Секс, мекс сон истят веть эзь некшне.
Артовкс
© Copyright: Алина Подгорнова, 2017
Свидетельство о публикации №117102906805
Свидетельство о публикации №117102906805
Рецензии