Чипайвалдонь каштаз тонеть кодан,
Вечкемасо вейсэндясынь пензэ.
Вармань эрьгеть кирьгат перька содан,
Вечкезь путса прям чевте мештезэть.
Лембе мизолксонь пусмо казян теть
Сельмс ванозь, ды апак визделгале.
Каршонзо венстик кедеть, иля пельть,
Кучт мизолкс монень, вечкевикс аля.
Равжо менельс нусманясто варштазь,
Та-косто васолдо редян валдо.
Ды чарькодян: те вечкемань каштаз
Цивтёрды пиземев пельтнень алдо.
Каштаз
© Copyright: Алина Подгорнова, 2017
Свидетельство о публикации №117102906776
Свидетельство о публикации №117102906776
Рецензии