Монь кедьсэ течинь стака чись
Прок лов тундонь чипайде, солась.
Мон таго ськамон. Истя лиссь.
Калмаса чинть, пек стакаль конась.
Неинь менельстэ валдо тештть.
Аволдынь кедьсэ: садо монень!
Каршо вал пельдест эзинь вешть —
Сынь ялатеке свал чатьмонить.
Маринь ведьбайгень прамонь гайтть
Ды сельмсэ пеленть кутмордыя.
Меринь: «Иля авардть, ялгай,
Зыянсонок а лезды кияк».
Стака чи
© Copyright: Алина Подгорнова, 2017
Свидетельство о публикации №117102906638
Свидетельство о публикации №117102906638
Рецензии