Тры непрачытаных.
Тры непрачытаных.
Тры новых паведамленні.
"Прыгажуня" была ў анлайне
Тры хвіліны таму.
- Я, можа, блытаю,
Пэўна жа, блытаю...
- Ой, смешачкі, вось супадзенне!
- Гэткі нік у цябе незвычайны -
Так пасуе майму.
Сыпе шматкроп'ямі.
Сыпе шматкроп'ямі.
Новае паведамленне.
- Я знайшла пунсовую кветку,
Ты, напэўна, шукаў?
Лапы над кнопкамі,
Дрыжыкі дробкамі,
Сумесь надзей ды сумненняў.
Размова ў анлайне ім сведкай:
"Пачвара" ёй адказаў.
05.04.2017
Прыгажуня-пачвара дваццаць-сямнаццаць
© Copyright: Мария Руслановна Шебанец, 2017
Свидетельство о публикации №117102910944
Свидетельство о публикации №117102910944
Рецензии