***
Да новай сустрэчы, кастрычнік,
Да новай сустрэчы!
Нібыта язычнік,
Раскідваеш пэўныя рэчы:
Тут кінуў бярозавы пень
У раскошы апенек,
А там – доўгі цень
Ад язміну
І россып капеек –
Лісткоў залатых…
Да новай сустрэчы, кастрычнік,
Калі я ў жывых -
Да гэтай сустрэчы
З табою ў дарозе -
Яшчэ застануся…
Ужо лістапад на парозе,
А я да цябе ўсё
Імкнуся,
імкнуся,
імкнуся…
26. 10. 2017 г.
Да новай сустрэчы, кастрычнiк...
© Copyright: Юрий Боровицкий, 2017
Свидетельство о публикации №117102608949
Свидетельство о публикации №117102608949
Рецензии