(Эльвина Юлдашева иджра эткен йыр)
Кене къыш ерни тийди, боранлар оны сарды (ве)
Сенсиз дюньяда сувукъ, къаранлыкъ олды.
Къапалдым къафесинъне, азапнынъ эллерине.
Не япсам? Къайда кетсем экен?
Эй, авджы, йибер мени, къыйнама юрегимни.
Мен – назик бир къуш, мен – ель, омюрим – коклер.
Меним башым айлана - бу сонъсуз, къара беля (ай)
Тутулдым тузагъына аман!
Багълама:
Йырламай сенсиз гонълюм,
Азатлыкъ бер онъа, бу меним ёлум.
Учалмай кокте гонълюм.
Къафесинъ мен ичюн - бу олюм, бу яваш олюм.
Алдандым сёзлеринъе ве мавы козьлеринъе.
Не япып, къайда барып къачайым экен?
Меним башым айлана, юрегим агълай, яна.
Тутулдым тузагъына аман!
Багълама.
Март 29, 2015 с.
Къафесте
© Copyright: Эльмара Мустафа, 2017
Свидетельство о публикации №117102611478
Свидетельство о публикации №117102611478
Рецензии