Къамбыр-фелек тузакъларын
Ёлумызгъа къойып чыкъа,
Янъы къале дуварларын
Къура…эм эскисин йыкъа.
Я не демек? Омюр – уруш?
Я айнеджи, залым оюн?
Бир кунь адий, якъын учуш,
Алып келир шайтан тоюн.
Къасыргъасы да нафиле…
Къанатларым чевик олды,
Гонълюм исе сабыр иле,
Ишанч ве ярыкъкъа толды.
Къамбыр-фелек эм достане
Эм ярамаз. Ай, къурусын!
О меннен чокъ джильвелене,
Тебессюмим – джевап олсун!
Июнь, 2015 с.
Камбыр-фелек
© Copyright: Эльмара Мустафа, 2017
Свидетельство о публикации №117102611246
Свидетельство о публикации №117102611246
Рецензии