(«Танъ йылдызы» иджра эткен йыр)
Бу омюр кузгюдей, кузьгю,
Не анда корьсенъ, о олур сеннен
Тебессюмнен бакъсанъ, бакъсанъ,
О санъа кулер ве шенълик осер.
Сенсинъ, сенсинъ бу аятнынъ рессамы сен,
Онынъ бахтлы, гузель рессамы.
Сенсинъ, сенсинъ бу къысметнинъ языджысынъ.
Яз дюльбер сатырлар…
Багълама:
Ашыкъма, ашыкъма, джаным ашыкъма
Бу омюр ёлуны кечмеге, аман!
Эр бир кунь, эр дакъкъа
Бу бахшыш олур санъа. Ашыкъма!
Эр гонъюль - бу чечек, чечек,
Не онъа керек? Тек ярыкъ, эльбет.
Эгер кунеш сачсанъ, сачсанъ,
Сувакълар къачар ве гуллер ачар.
Сенсинъ, сенсинъ бу аятнынъ рессамы сен,
Онынъ бахтлы, гузель рессамы.
Сенсинъ, сенсинъ бу къысметнинъ языджысынъ.
Яз дюльбер сатырлар…
Багълама.
Февраль 3, 2014 с.
Ашыкъма
© Copyright: Эльмара Мустафа, 2017
Свидетельство о публикации №117102511625
Свидетельство о публикации №117102511625
Рецензии