ЧУбанни Имам

    БАСНЯ.

 ГЬар са касдихъ хсуси
Фикир ава, т1ул ава.
Садаз, лап куьруь жигъир
Садаз, девлет бул ава.
Кьиле мефт1ер хьайила ,
Къанун жеда алакьар
Авачалда гьеле кас ,
Имамав жер агакьар.
Куьре патан халкьариз
Артух ийиз к1валахар
Бязибур лап рази яз
Ийизвалда дамахар.
Ингье мад ц1ийи проект
Са агъзур хеб къачуна,
Дагъдиз рекье твазвалда
Гзаф рахун тавуна.
Хъсан чубан герек я
Гьакъи , ялда ч1ехини.
Вик1егь инсан хьурай вуч
Лигимнавай рекъини.
И ван хьайи къуншиди
Зверна Имаман патав,
Зун лап халис чубан я
Лугьуз рахана адав.
Кич1е туширди чирна
Чуьлда, мич1и йифизни.
Жанавурдин хьтин рик1
Авалда , гьа вичизни.
Рази хьана Имама
Рухсат гана хъфидай
Тапшурмишна къуншидал
Са чубанвал ийидай.
Яйлахрал гьатна рекье
Чубан, галаз суьруьни.
Жавабдар жеда лугьуз
Хиве кьуна вичини.

Са пуд варз алатайла
Фена Имам яйлахрал.
Дустни къачуна вичин
Ялар ягъиз булахрал.
Дамахдивди лагьана
Ч1уру ният авачиз.
Куьк, еке гьер тук1вада
Са рахунни алачиз.
И суьруь гвай чубанни
Къунши я зи вижевай
Ша, хкаж жен а синел
Чка я ам, виневай.
Са хъсан гьер тук1вадай
Буйругъ гана чубандиз.
Ял ягъдай югъ хьурай къе
Вахт акъудин хъсандиз.
Къалабулух акатна
 Чубан къарагъна к1вачел.
Хкудна са еке гьер
Тадиз ярхарна чилел.
Шишер гьазур жедалди
Къурухрайт1уз векьерин
Фена , чирна Имама
Кьадар вичин хперин.
Гьисабайла суьруьдай
Пуд виш лапаг хьанач бес
И кар акур чубандин
Дегиш хьана тадиз сес.
-Я къунши  им вуч кар я
Гьинава амай хпер?
Хабар кьуна иесди
Экъисна вичин вилер.
Кьил агъузна акъвазна
Гаф акъатнач чубандай.
Эхирки: Зун тахсир я
Акъуд хъия зи чандай.
За сифтедай лагьай тир
Инсан я зу винелай.
Жанавурдин хьтин рик1
Алудна на рик1елай.
Ават1а лагь вуна заз
Ахьтин жанавур иер,
Вилик ч1ехи суьруь кваз
Т1уьн тавур вичи хпер.
Хъел къвемир ваз ч1ехиди
Сив кьаз жедат1а , лагь Гьик1?
За лагьай тир , сифтедай
Жанавурдинди я , рик1.

((((((((МОРАЛЬ)))))))

Эхтибар гъун хата я
Акваз девирдин гьалар.
Намус, къайда тахьайла
Вилик фидан? чи крар.
И кьисадай акурвал
Кьил акъатдач къилихдай.
Садан фикир: куьмек гун,
Муькуьданди, чуьнуьхдай!