Булутлар кокте къап-къара олды,
Юреклер къызгъын алевнен толды.
Недир бу омюр, амансыз куреш?
Я да кимерде бир сёнген кунеш?
Кин туткъан адам не япып юре?
Озюни якъып, ольдюрип юре,
Зульмет чар эткен алемде яшай.
Ябанджы, дели махлюкъкъа ошай.
Саф сувны дегиль, эфкярны ичип,
Бельгисиз узун ёлларны кечип,
Я да шенъ уча къуш киби кокке,
Я да сонъ тюше таш киби ерге.
Ёкътыр белядан къуртаргъан илядж,
Ёкътыр гонъюльни тюзеткен илядж.
Недир бу омюр? Амансыз оюн?
Бу дюньяда не япаджанъ озюнъ?
Эгер де ачыкъ гонъюлинъ олса,
О, мераметликке, ярыкъкъа толса,
Аятынъ олур ренкке-ренк тюсте
Такъдиринъ юрер бир алтын фесте.
Январь 26, 2007 с.
Недир бу омюр?
© Copyright: Эльмара Мустафа, 2017
Свидетельство о публикации №117102010961
Свидетельство о публикации №117102010961
Рецензии