ХIара саго шийгар ираз
Даьхе хьоца дегтIар декъ
Нийсса наькъа гIо вай яхаш
Мукълен илли мехка дек.
Къона тIехье мехка яха,
Даьшкар дисар лораде.
Бакъволчунца вошал тасса,
БIеха овлаш хедаде.
Дунен хьаькъал, говзал, тешам,
Даьй сий лакха лоаттаде.
Дукхаеза, низ ца кхобеш,
Йилла лард вай йоах ма е.
Хоза цIенош, керда наькъаш,
Даьхе денна хувцалу.
Сийрда вахар, ираз, аьттув
Мехкахошта бIаргагу.
Гуча сурто бIаргсийрдбоахаш
Даьхе даим лакх хуг я.
ГIалгIай мехка ва йиш йоалаш
Доаккхал де Iа, доаккхал де.
ХIара саго шийгар ираз...
© Copyright: Роза Даурбекова, 2017
Свидетельство о публикации №117101702068
Свидетельство о публикации №117101702068
Рецензии