Бу дюньянынъ асылы не?
Бу бахт, бу дерт — кимге неге?
Яна бир яланджы кунеш,
Ай, манасыз бу кёр куреш.
Багълама:
Адам агълай, адам куле,
Адам догъа, адам оле.
Тек ярын не оладжагъын
Ич бир кимсе бильмей.
Бу омюрнинъ асылы не?
Бу ёлнынъ сонъу не ерде?
Ким манъа джевап берир?
Ким манъа айта билир?
Багълама:
Адам келе, адам кете,
Адам яшай, адам биле
Кечкен вакъыт ич бир заман
Кери къайтып кельмей.
Июль, 2009 с.
Адам
© Copyright: Эльмара Мустафа, 2017
Свидетельство о публикации №117101604993
Свидетельство о публикации №117101604993
Рецензии