Сен билесинъми, джаным,
Севги фияты насыл?
Севги фияты аман
Инсан омюри къадар —
Бир капик, бир капик.
Гузель автода кетем,
Бугунь сени кореджем.
Тек бир кунь сени билем,
Аджеба энди севем?!
Бу насыл олур, бильмем.
Артымда къалды ёллар,
Сокъакълар ве чаршылар.
Шеэрлер ве дерьялар,
Ниетлер ве арзулар.
Багълама:
Ай, татлы сёзлериме,
Ай, эля козьлериме,
Инансанъ инан, джаным,
Агъласанъ агъла, джаным.
Тек унутма сен буны,
Эп бир инсан аяты,
Эп бир севги фияты —
Бир капиктир, бир капик.
Къызыл антерни кием,
Бугунь мот оладжам мен.
Къавеханеге кирем,
Эписи мени биле.
Бу насыл олур, бильмем.
Бельки ярын сен мени
Унутарсынъ, мелегим.
Бельки ярын мен сени,
Унутырым, бильмейим.
Багълама.
Октябрь, 2009 с.
Севги фияты
© Copyright: Эльмара Мустафа, 2017
Свидетельство о публикации №117101604731
Свидетельство о публикации №117101604731
Рецензии