(Ленара Османова иджра эткен йыр)
Мен саям учь, эки, бир,
Айырды бизни такъдир.
О, бу дюньяда султан,
Эр шей кечер ондан.
Кёр севги атешинде,
Асретлик алеминде,
Мен яшап юрем энди
Такъдирим мени енъди.
Багълама:
Биз — эки тюрлю фелек,
Болюнип янгъан юрек.
Ёкъ татлы сёзлер энди,
Ёкъ севген козьлер энди.
Биз — тюрлю сейярелер,
Ябанджы, сувукъ еллер.
Биз — тюрлю романларнынъ
Дюльбер къараманлары.
Янъгъызлыкъ — бу бир зеэр,
Бошлукъкъа толды эр ер.
Гонълюмде къар бораны,
Йырлай озь йырларыны.
Сенсиз дюнья тар олды,
Гуллер къаврады, солды.
Не ердесинъ, севгилим?
Яраштыр аятымны.
Багълама.
Март 15, 2008 с.
Биз
© Copyright: Эльмара Мустафа, 2017
Свидетельство о публикации №117101604684
Свидетельство о публикации №117101604684
Рецензии