(Зарема Халитова иджра эткен йыр)
Масал сонъуна кельди,
Япылды китап энди.
Севгимиз буллюр киби
Чатлады, сындырылды.
Кеманем сусып къалды,
Бу дюнья зиндан олды…
Багълама:
Амма мен ич бир заман,
Унутмам сени, аман —
Юрегим саибеси,
Гонълюмнинъ кеманеси.
Не олса олсун бугунь,
Я гедже я да бир кунь,
Мен сени эп бир, джаным,
Эбедий севеджегим.
Не гузель эди баарь!
Не гузель эди саарь!
Тек назик къанатларым
Гурь ельден яраланды.
Кеманем сусып къалды,
Бу дюнья къара олды…
Багълама.
Декабрь, 2009 с.
Гонъюль кеманеси
© Copyright: Эльмара Мустафа, 2017
Свидетельство о публикации №117101604485
Свидетельство о публикации №117101604485
Рецензии