Бугунь акъшам йылдызлар кокте
Парылдай ве яна бизлерге.
Бер манъа эллеринъ, къуш киби олайыкъ,
Арзулар алемине учайыкъ.
Багълама:
Йылдызлар, сейярелер
Эм де хош тебессюмлер,
Эр заман ёлдаш олсун.
Гузель нагъмелер,
Достлардан мектюплер,
Юрегинъни къувандырсын.
Бугунь акъшам гонъюллер севине,
Йылдызлар да тюше элинъе
Эм санъа, эм манъа бугунь бахт кульсин,
Эм де чокъ къуванч о алып кельсин.
Багълама.
Тек арзу-истеклер,
Эм сонъки умютлер,
Эр заман ерине кельсин.
Дюльбер козьлерден,
Ерсиз сёзлерден,
Козьяшлар ич тёкюльмесин.
Октябрь 10, 2007 с.
Бугунь акъшам
© Copyright: Эльмара Мустафа, 2017
Свидетельство о публикации №117101604454
Свидетельство о публикации №117101604454
Рецензии