(Зера Кенжикаева иджра эткен йыр)
Кене азбарыма бир кузь кельди,
Кене юрегим кедерни бильди.
Ят шеэрнинъ ёлларында
ве сокъакълар арасында
Биз расткельмедик, джоюлдыкъ.
Насыл тапмакъ манъа буюк сабыр?
Меним юрегимде юк бар агъыр.
Биз джоюлгъан гемилер,
Тынчыкъ бильмеген еллер,
Янъгъыз гемилер, гемилер.
Багълама:
Семада сёне йылдызлар, сенсиз, севгилим,
Къальбимде яшай сувукълар, сенсиз, севгилим.
Гузельден де гузельсинъ сен, меним мелегим,
Сенинъле эр заман олур юрегим.
Нечюн омюримде сёнди кунеш,
Айтчы, къайда кетти янгъан атеш?
Бакъчы, бизлер нелер яптыкъ,
Бири-биримизни джойдыкъ.
Эбедий джойдыкъ, джоюлдыкъ.
Кене азбарыма бир кузь кельди
Кене кедер юрегимни тийди.
Биз джоюлгъан гемилер,
Тынчыкъ бильмеген еллер,
Янъгъыз гемилер, гемилер.
Багълама.
Март, 2007 с.
Сенинъле юрегим
© Copyright: Эльмара Мустафа, 2017
Свидетельство о публикации №117101604359
Свидетельство о публикации №117101604359
Рецензии