Бельгисиз думанлы ёл,
Ёрулдым къуветим ёкъ.
Такъдирим куле, куле,
Юректе умют оле.
Достларым къыйыш бакъа,
Омюрим турмай, акъа.
Ёрулдым янъгъызлыкътан,
Сарылгъан бир бошлукътан.
Багълама:
Сахрада боран башлай,
Кедерлер козюм яшлай.
Мен янъгъыз-янъгъыз къорай,
Не ердесинъ, джаным, айт?!
Омюрим мени айдай,
Базыда яхшы алдай.
Кокте йылдызлар ве ай,
Не ердесинъ, джаным, айт?!
Къап-къара булутлы кок,
Ёрулдым, умютим ёкъ.
Ягъмурлар турмай ягъа,
Юрегим агълай, яна.
Сорулдым янъгъызлыкътан,
Сарылгъан бир бошлукътан.
Айтчы, Аллам, не ичюн
Дюньяда мен бир озюм?
Багълама.
Июнь, 2008 с.
Не ердесинъ, джаным?!
© Copyright: Эльмара Мустафа, 2017
Свидетельство о публикации №117101604332
Свидетельство о публикации №117101604332
Рецензии